مجاهد: اسلامي هېوادونه به د خپلو شرایطو او ګټو له مخې د رسمیت پېژندنې پرېکړه کوي

د طالبانو د حکومت ویاند ذبیح‌الله مجاهد وايي، اسلامي هېوادونه به له اسلامي امارت سره د رسمي رسمیت پېژندنې په اړه د خپلو شرایطو او ملي ګټو له مخې پرېکړه کوي. مجاهد له یوې هندي رسنۍ سره په مرکه کې ویلي، د طالبانو حکومت له قطر، سعودي عربستان، متحده عربي اماراتو، پاکستان، ایران، ترکمنستان، ازبکستان او تاجکستان سره عادي رسمي اړیکې لري او د دواړو لورو سفارتونه هم فعال دي. مجاهد ټینګار کړی چې د طالبانو د حکومت په رسمیت پېژندنه د هر هېواد خپلواک تصمیم دی او یاد هېوادونه به دغه پرېکړه خپلو شرایطو او ګټو ته په پام کوي.