هرات کې د دوه کانالونه جوړ او ګټې اخیستنې ته وسپارل شول — Bakhtar

Summary: د هرات ښار په درېیمه ناحیه کې د څه باندې ۷ میلیونه افغانیو په لګښت د دوو کانالونو د جوړولو چارې بشپړې او ګټې اخیستنې ته وسپارل شول. د هرات د ښاروالۍ ویاند خان محمد یوسفزي باختر اژانس ته ویلي چې دغه کانالونه د یاد ښار په درېیمه ناحیه کې د یادې ښاروالۍ په مالي ملاتړ د ۷ میلیونه ۵۰۰ زره افغانیو په لګښت جوړ شوي دي. ښاغلي یوسفزي زیاته کړې چې دغه کانالونه د سطحي اوبو د ښه مدیریت، د سړکونو د ویجاړېدو د مخنیوي او د ښاري زیربناوو د ښه‌ والي په موخه پلې شوې دي.ورته مهال د هرات ښار د درېیمې ناحیې یو شمېر اوسېدونکو د یادو کانالونو په بشپړېدو خوښي ښودلې او ویلي یې دي چې د ټولګټو پروژو په ساته کې به هېڅ ډول مرستې ونه سپموي.د یادونې وړ ده چې د دغه ولایت په یو شمېر نورو ولسوالیو کې هم ورته پروژې بشپړې او ګټې اخیستنې ته سپارل شوې دي.