افغان اېواک: امریکا لا هم د افغانانو پر وړاندې د کډوالۍ او هر… — AF International

د افغان‌ اېواک بنسټ مشر شان وانډیور په یوه پرانیستي لیک کې پر امریکایي چارواکو کلکه نیوکه کړې، چې لا یې هم د افغان کډوالو د لېږد، د ویزو ورکولو او د مېشتېدنې ځانګړي پروګرامونه بند ساتلي دي. د کابل ښار یو شمېر اوسېدونکي وايي، چې د لوړو کرایو له کبله یې لګښتونه د پام وړ ډېر شوي او دوی یې د ورکړې وس نه‌لري. د امان الله په نوم د کابل یو اوسېدونکی وایي: «د دغو کرایو د لاسه به خلک بسترې په شاه کړي، کله به یو خوا ځي او کله به بل خوا. ځاي به نه‌لري، نو بالاخره به څه کوي»؟ د کابل یو بل اوسېدونکي هم وايي: «نن سبا کې د رهنما او کورونو والا سخت ظلم شروع کړی دی او حکومت یې باید مخنیوی وکړي». د کابل ښاریانو په وینا، د کرایو د کنټرول لپاره طالبان هېڅ ډول روښانه تګلاره نه‌لري او د کورونو مالکان له همدې تشې څخه په استفادې سره په خپله خوښه کرایې لوړوي. د کورونو د کرایې لوړېدو یو مهم لامل له پاکستان او ایران څخه راستانه شوي کډوال بلل کېږي چې لسګونه زره کورنۍ یې یوازې په کابل ښار کې مېشتې شوې دي. د نور رحمان په نوم د کابل ښار د یوه اوسیدونکي په خبره: «د ورځې په تېریدو سره دا کرایه نوره هم لوړېږي. درې کوټې کور اوس…