د ایران او امریکا ترمنځ د کړکېچ د زیاتېدو راپورونه؛ منځنی ختیځ کې… — Bakhtar

Summary: د راپورونو له مخې د ایران او امریکا ترمنځ د روان کړکېچ په لړ کې د سیمې په بېلابېلو برخو کې پوځي فعالیتونه زیات شوي دي. ځینو رسنیو راپور ورکړی چې د اردن د الازرق ښار ته څېرمه د موفق السلطی هوايي اډې پر لور د ایران توغندیز بریدونه شوي، چې دغه اډه د امریکا له مهمو پوځي مرکزونو څخه بلل کېږي.بل لور ته د امریکا مرکزي قوماندانۍ ویلي، چې د جولای په ۱۵مه یې پر ایران د بریدونو نوې څپه پای ته رسولې او ادعا یې کړې چې د ایران د قوماندې مرکزونه، دفاعي سیستمونه، توغندیز او بې‌ پیلوټه وړتیاوې یې په نښه کړې دي.ایراني چارواکو بیا ویلي، چې د امریکا له بریدونو وروسته یې ځوابي عملیات کړي او د سیمې پر ځینو امریکايي پوځي مرکزونو یې بریدونه ترسره کړي دي.په همدې حال کې روسیې ویلي چې د هرمز تنګي د کړکېچ د حل لپاره له سیاسي او ډیپلوماتیکو لارو پرته بله بدیله نشته او د خبرو د بیا پیل ملاتړ کوي.پاکستان هم د ایران او امریکا ترمنځ د زغم غوښتنه کړې او ټینګار یې کړی چې د سولې او ثبات لپاره خبرې اترې تر ټولو غوره لاره ده.