د عامې روغتیا وزیر د پکتیکا له والي سره وکتل — Bakhtar

Summary: د افغانستان اسلامي امارت د عامې روغتیا وزیر مولوي نور جلال جلالي، د پکتیکا له والي مولوي عبدالخالق عابد سره کتلي دي. د عامې روغتیا وزارت په خپره شوې خبرپاڼه کې راغلي چې په دې کتنه کې د پکتیکا د روغتیايي وضعیت، روغتیايي خدمتونو وړاندې کولو بهير او د خلکو د روغتیايي اړتیاوو په اړه خبرې وشوې.د پکتيکا والي په دغه ولايت کې د روغتيايي خدمتونو د پراختيا او پياوړتيا غوښتنه کړې او په دې برخه کې يې د عامې روغتیا وزارت هر اړخيزه همکاري اړينه بللې ده.دغه راز د عامې روغتیا وزیر په یاد ولایت کې د روغتیايي خدمتونو پیاوړتیا او د خلکو لپاره د معیاري روغتیايي خدمتونو برابرولو په برخه کې د وزارت د همکارۍ ډاډ ورکړی او ويلي یې دي: "د هېواد په ۳۱۸ ولسواليو کې مو د عمومي روغتونونو د جوړېدو لړۍ پيل کړې، چې پکتيکا يې هم برخه ده او د دغه ولايت په ولسواليو کې به هم عمومي روغتونونه جوړ او خلکو ته به د معياري روغتيايي خدمتونو زمينه برابره شي."