د ۱۴۰۵ د چنګاښ ۷ – د ۸ بجو خبرونه | آمو ټلویزیون — Amu TV

طالبان د خپلو نږدې ټولو نیونو په اړه هېڅ ډول معلومات نه ورکوي او د څېړنو له مخې، دوی په تېر یوه کال کې یو شمېر خبریالان، د رسنیو کارکوونکي، ښځې، د بشري حقونو فعا او دیني عالمان نیولي دي، خو د دغو کسانو د نیولو او بندي کولو د لاملونو په اړه یې هېڅ ډول رسمي وضاحت نه دی ورکړی. په همدې حال کې، د یو شمېر نیول شویو او د طالبانو له بنده د خوشې شویو کسانو کورنیو هم چوپتیا غوره کړې ده. په وروستۍ پېښه کې، طالبانو د تمدن ټلوېزیون مدیر مسئول او یو کارکوونکی نیولي دي او د یوې اوونۍ له تېرېدو سره سره، د دوی د نیولو د علت او وضعیت په اړه هېڅ ډول معلومات نه دي ورکړل شوي.