د هنر او فرهنګ معین د ستر امپراتور له کور او هلته له… — Bakhtar

Summary: د اطلاعاتو او فرهنګ وزارت د هنر او فرهنګ معین شیخ عبدالرحمن طیبي په کندهار ولایت کې د احمدشاه بابا د سترې امپراتورۍ له کور او ورسره نږدې درې تاریخي ودانیو څخه لیدنه وکړه. نوموړي د یادو ودانیو حفاظتي وضعیت، د زیانونو کچه او د ترمیم اړتیاوې وارزولې او د یادو ودانیو د دوامدارې ساتنې لارې چارې او د اطلاعاتو او فرهنګ وزارت او د اغاخان د فرهنګي خدمتونو دفتر ترمنځ د ګډې همکارۍ امکانات هم وڅېړل شول.ښاغلي طیبي ویلي، چې د دغو ودانیو د لا زیات تخریب د مخنیوي او د هغوی د تاریخي، فرهنګي او معمارۍ ارزښتونو د ساتنې لپاره، د علمي او مسلکي معیارونو مطابق اساسي ترمیم ته اړتیا ده.د یادونې وړ ده، چې یاد کور دوه کاله وړاندې د اطلاعاتو او فرهنګ وزارت له بودجې څخه په استفادې، د تاریخي ابداتو د ساتنې او ترمیم د مسلکي اصولو او تخنیکي معیارونو مطابق، په اساسي توګه ترمیم او ورغول شو.