روسيه کې د افغانستان سفير د «شمالي قفقاز د خبرو اترو، دودونو او… — Bakhtar

Summary: په مسکو کې د افغانستان اسلامي امارت سفیر مولوي ګل حسن حسن د «شمالي قفقاز د خبرو اترو، دودونو او پرمختګ لپاره فضا» په نړیوال فورم کې ګډون او وینا وکړه. ياد سفارت په خپله اکس پاڼه ليکلي، چې ښاغلي سفير په خپله وینا کې د افغانستان او سیمې ترمنځ د متقابل درناوي، خبرو اترو، اقتصادي همکاریو او ګډ پرمختګ پر اهمیت ټینګار وکړ. سرچينې زياته کړې، چې نوموړي همدارنګه د فورم په څنډه کې د ستاوروپول سیمې د اقتصادي پراختیا له وزیر انتون بوریسوویچ دورونین سره وکتل او د سوداګرۍ، پانګونې او اقتصادي همکاریو د پراختیا په اړه یې خبرې وکړې. افغان سفير همداراز له یوشمېر افغان سوداګرو او د افغان ټولنې له مشرانو سره هم کتلي، د هغوی ستونزې او وړانديزونه یې اورېدلي او د سفارت له لوري يې د هر اړخیزې همکارۍ ډاډ ورکړی دی.