Summary: د هرات والي مولانا اسلامجار د ایران د اوسپنې پټلۍ شرکت له پلاوي سره په کتنه کې د دواړو هېوادونو ترمنځ، په ځانګړي ډول د اوسپنې پټلۍ د پراختیا په برخه کې د ګډو همکاریو پر لا پیاوړتیا ټینګار وکړ. د باختر اطلاعاتي اژانس د خبر له مخې، په دې غونډه کې د افغانستان او ایران ترمنځ د اوسپنې پټلۍ د پروژو د پیاوړتیا، تخنیکي همغږۍ، عملي لارو چارو او شته ننګونو د حل په اړه بحث او د نظرونو تبادله وشوه. په دې کتنه کې د هرات والي وویل، چې د اوسپنې پټلۍ پراختیا د ترانسپورټ، سوداګرۍ او ترانزیټ په برخه کې ستراتیژیک ارزښت لري او سیمهییزه اداره په دې برخه کې بشپړې همکارۍ ته چمتو ده. نوموړي زیاته کړې، چې د اوسپنې پټلۍ پراختیا به د سوداګرۍ ودې، د ترانزیټ زیاتوالي، کاري فرصتونو رامنځته کېدو او له سیمهییزو هېوادونو سره د افغانستان د اقتصادي اړیکو په پیاوړتیا کې مهم رول ولوبوي. بلخوا، د ایران د اوسپنې پټلۍ شرکت پلاوي د هرات د سیمهییزې ادارې له همکارۍ مننه وکړه او د ګډو پروژو د دوام او لا پراختیا لپاره یې د بشپړې همکارۍ ډاډ څرګند کړ.
اطلاعات کوتاه
خط زمانی
-
Bakhtar
هرات کې د اوسپنې پټلۍ د پراختیا په برخه کې له ایران سره د ګډو همکاریو پر پیاوړتیا ټینګار وشو
منابع
Afghan sources
هرات کې د اوسپنې پټلۍ د پراختیا په برخه کې له ایران سره د ګډو همکاریو پر پیاوړتیا ټینګار وشو