د کلیو بیارغونې او پراختیا وزیر د لوګر له يو شمېر مخورو سره… — Bakhtar

Summary: د کلیو بیارغونې او پراختیا وزیر ملا عبداللطیف منصور، نن په خپل کاري دفتر کې د لوګر له يو شمېر سپین ږیرو او مخورو سره کتلي دي. باختر اطلاعاتي اژانس ته د کليو بيارغونې او پراختيا وزارت د معلوماتو له مخې؛ په دې کتنه کې د لوګر سپين ږيرو او مخورو، په دغه ولايت کې د بېلابېلو پراختیايي پروژو له پلي کېدو خوښي څرګنده کړې او د سړکونو په برخه کې یې يو لړ ستونزې شریکې کړې دي. دغه راز د کلیو بیارغونې او پراختیا وزیر ویلي دي: "موږ د ولس په خدمت کې یو، ځکه چې ولس تل زموږ ملاتړ کړی او د کلیو د بیارغونې او پراختیا وزارت به د خپلو امکاناتو په پام کې نيولو سره ستاسو ستونزو ته رسېدنه وکړي."