زابل کې د کورني تاوتریخوالي، اجباري نکاح او شخړو ۲۳۸ پېښو ته رسېدنه… — Bakhtar

Summary: د زابل ولایت د امر بالمعروف، نهی عن المنکر او شکایتونو اورېدو ریاست مسوولین وایي، چې د ۱۴۴۷ هـ.ق کال په ترڅ کې یې د مرکز کلات او ولسوالیو په کچه د کورني تاوتریخوالي، اجباري نکاح ګانو، په بدو کې د نجونو د ورکړې او بېلابېلو کورنیو او ټولنیزو شخړو ۲۳۸ پېښې حل او فصل کړې دي. د یاد ریاست د محتسبینو امر او سرپرست مولوي شفیع الله مستشفع باختر اطلاعاتي آژانس ته ویلي چې د امر بالمعروف قانون د پلي کولو او د اسلامي ارزښتونو د خوندي کولو په برخه کې یې جدي هڅې کړې دي.هغه زیاته کړې، چې محتسبینو د منکراتو د مخنیوي ترڅنګ د کورني تاوتریخوالي، اجباري ودونو او نورو کورنیو او ټولنیزو شخړو د حل لپاره هم پراخې هڅې کړې دي.د نوموړي په وینا، د عالیقدر امیرالمؤمنین حفظه الله د فرمانونو د تطبیق او عملي کولو لپاره دوامدارې هڅې شوې، څو په ټولنه کې ناسم دودونه او منکرات له منځه ولاړ شي.