د ځانګړو ځواکونو سلګونه مجاهدین له مسلکي او اختصاصي زده‌کړو فارغ شول — Bakhtar

Summary: د افغانستان اسلامي امارت د کورنیو چارو وزارت د ځانګړو ځواکونو د «شکارکلا» او بلخ له روزنیزو مرکزونو څخه ۸۰۲ تنه د ساتنمنۍ اساساتو، مسلکي او اختصاصي زده کړو له ترلاسه کولو وروسته فارغ شول. د کورنيو چارو وزارت په خپره شوې خبرپاڼه کې راغلي چې یادو فارغانو د ساتنمنۍ اساساتو او د اختصاصي دورې د شپنیو عملیاتو په ګډون، د ډرېورۍ، میډیک تکتیک، ثقیله وسلو، کشفي وړتیاوو لوړونې، مخابرو او پرنټر ترمیم په برخو کې زده کړې ترلاسه کړې دي. د دغه شان روزنیزو برنامو د ترسره کولو موخه، د ځانګړو ځواکونو د مسلکي او اختصاصي وړتیاوو لوړول او د هغوی د دندو د لا اغېزمن ترسره کولو لپاره د مهارتونو پیاوړتیا ده.