Afghanistan News Today – Breaking News, Politics, Sports & Live Updates | Ariana… — Ariananews

د هرات سیمه‌ییز مسوولانو ويلي، په تېرو پنځو کلونو کې د دغه ولایت په بېلابېلو اقتصادي، تولیدي، خدماتي او بېخبنايي برخو کې نږدې دوه میلیارډ ډالره پانګونه جذب شوې ده. د هرات ولایت مقام ویاند مفتي یوسف سعیدي ويلي؛ سیمه‌ییزې ادارې هڅه کړې، چې د کورنیو او بهرنیو پانګونو لپاره آسانتیاوې برابرې کړي او د لویو اقتصادي پروژو د پلي کېدا زمینه برابره کړي. د نوموړي د څرګندونو له مخې؛ د هرات د سمنټو، لمریزې او بادي برښنا، ښاري ماسټر پلان، ټاپي او یو شمېر نورو لویو پروژو چارې پیل او ځینې یې ګټې اخیستنې ته هم سپارل شوي دي. سعیدي زیاته کړې؛ د هرات په سویل کې د نړیوال ټرمینل، د پل هاشمي سب‌سټېشن او د یو شمېر ښاري او بین‌الولایتي سړکونو د جوړولو او پراختیا چارې هم روانې دي. د هرات سیمه‌ییزو مسوولانو د څرګندونو له مخې؛ د پانګونې د جذب، د کورنیو تولیداتو د ملاتړ او د اقتصادي بېخبناوو د پراختیا لپاره د آسانتیاوو رامنځته کول یې اړین لومړیتوبونه دي. هرات د ایران او ترکمنستان له پولو سره د نږدېوالي او د سوداګریزو او ټرانزیټي لارو پر سر د موقعیت له کبله د افغانستان له مهمو اقتصادي ولایتونو څخه ګڼل کیږي. له پاکستان څخه دې د افغان زده‌کړیالانو د ایستلو لړۍ ودرول شي – د بشري حقونو د څار بنسټ افغانستان او بنګله‌دېش د سوداګرۍ پر پراختیا…