د خیریه سازمان مشر: د افغانستان په تړاو هیوادونه ریاکاري کوي — Dw

له ۲۰۲۱م کال راهېسې چې طالبان بیا ځلې په افغانستان کې واک ته رسېدلي دي، افغانستان د بشري مرستو د پام وړ کمښت شاهد دی. طالبانو په دې تیرو پنځو کلونو کې يو لړ قواعد او فرمانونه د ښځو د حقونو او آزاديو د محدودولو له پاره صادر کړي دي او زده کړو او عمومي ژوند ته د هغوی لاس رسی یې په شديده توګه محدود کړی دی. د ناروې د پناه غوښتونکو شورا مشر يان اګلند، د پنجشنبې په ورځ د فرانسې خبري آژانس سره په يوه مرکه کې وويل دا سمه ده چې خارجي هېوادونه «د افغان ښځو او نجونو د کار او زده کړو د حق غوښتنه کوي لکه موږ چې غوښتنه کوو.» اړونده موضوع: د طالبانو د واکمنۍ پنځه کاله؛ افغانان په کوم حالت کې ژوند کوي؟ هغه په عين وخت کې وویل: «خو کله چې يو څوک دا کار له خارج څخه د اروپايي هېوادونو څخه یې د يوه په پلازمينه کې په يوه سيمینار کې کوي او په عين حال کې د افغان نجونو له پاره خوراکي مرستې او حتی د لومړني ښوونځي د نجونو د زده کړو مرسته قطع کوي، دا رياکاري ده.» د طالبانو تر کنترول لاندې افغانستان کې نړيوالې مرستې په شديده توګه کمې شوي دي او ملګرو ملتونو ويلي دي چې تر اګست میاشتې پورې یې د هغه بودیجې چې…