د هرات یوه اوسېدونکې: طالبان ښځې د حجاب سربېره هم نیسي — AF International

د هرات د ګذرې ولسوالۍ یوې اوسېدونکې افغانستان انټرنشنل ته په رالېږلي پیغام کې ویلي، چې په دغه ولایت کې د طالبانو له‌خوا ښځې حتی د حجاب په مراعتولو سره هم نیول کېږي. دغه اوسېدونکی وايي: «نن پنجشپه د چنګاښ په ۳مه زه او مېرمن مې ډاکټر ته تللي وو. زما مېرمن د هراتیانو په اصطلاح حجاب او د کابلیانو په اصطلاح چپن اغوستې وه. هغې ویل چې ماښام شوی، ډاکټر هم نږدې دی او طالبان هم نه ښکاري؛ نو ستونزه به نه‌وي. له بلې خوا باد ډېر و او هغې چادر نماز نه شوای کنټرولولای او اغوستل یې ورته ستونزمن وو». د هغه په خبره؛ د شپې څه باندې ۸ بجې وې چې په لاره کې یو ماشوم راته وویل، چې مخ ته مه ځئ هلته طالبان دي. نوموړی د سترګو لیدلی حال داسې بیانوي: «له ډاکټر څخه تر راوتلو وروسته موږ په پښو د کور خواته روان وو. شاوخوا د شپې ۸:۲۵ بجې وې، چې په لاره کې یو تنکی ځوان پر بایسکل زموږ خواته راغی او خبرداری یې راکړ، چې مخکې مه ځئ، ځکه د امر بالمعروف مامورین ښځې موټرو ته پورته کوي». د هرات دغه اوسېدونکی وایي، د مېرمني‌ د ټینګار له امله یې لاره بدله کړه او کور ته په نږدې کېدو یې د طالبانو ډله ولیدله. نوموړی وايي: «کله چې له سړک څخه واوښتو،…