Summary: د پنجشېر ولایت ځايي مسوولین وايي چې په دغه ولایت کې د لومړي ځل لپاره د ګرین ګارنېټ قیمتي ډبرو ۱۳ بېلګې د بولۍ له لارې وپلورل شوې. د پنجشېر د والي ویاند سیفالدین لټون باختر اطلاعاتي اژانس ته وویل، چې په نننۍ داوطلبۍ کې ۳ زره ۲۹۷ قیراطه تازه استخراج شوي زمرد د ۱۹۸ زره ۳۷۰ امریکايي ډالرو په ارزښت پر کورنیو سوداګرو وپلورل شول.د نوموړي په وینا، د لومړي ځل لپاره د ګرین ګارنېټ قیمتي ډبرو ۱۳ بېلګې هم د ۲۵۰ امریکايي ډالرو په ارزښت وپلورل شوې.د یاد ولایت د کانونو او پټرولیم رئیس مولوي محمد قاسم امیري وویل، چې دا داوطلبۍ د کانونو د ساتنې کمېټې د غړو په حضور کې ترسره شوه او د اسلامي امارت د نوي حکم له مخې د ۶۶ ډوله منرالونو، قیمتي او نیمه قیمتي ډبرو د استخراج جوازونو د وېش لړۍ هم پیل شوې، چې د پانګونې، سوداګرۍ او کاري فرصتونو د پراختیا لپاره به زمینه برابره کړي.د یادونې وړ ده، چې د مسوولینو په وینا، په تېرو درېیو کلونو کې د پنجشېر د زمردو، بېروج، سپینو زرو او ګرین ګارنېټ کانونو له لارې شاوخوا ۱۵ زره کسانو ته په مستقیم او غیرمستقیم ډول د کار زمینه برابره شوې او سلګونو ځوانانو د قیمتي ډبرو سوداګرۍ ته مخه کړې ده.
Quick facts
Timeline
-
Bakhtar
پنجشېر کې د لومړي ځل لپاره د ګرین ګارنېټ قیمتي ډبرې وپلورل شوې
Sources
Afghan sources
پنجشېر کې د لومړي ځل لپاره د ګرین ګارنېټ قیمتي ډبرې وپلورل شوې