ملګرو ملتو د افغانستان په کونړ باندې د پاکستان په هوايي بریدونو کې د درو افغان ملکي وګړو وژل کېدل او د څلورو نورو ټپي کېدل تایید کړي دي. یوناما په داسې حال کې په کونړ کې د پاکستان د پوځ په هوايي بریدونو کې د ملکي وګړو وژل کېدل تایید کړي چې تر دې مخکې د پاکستان د اطلاعاتو وزارت په یوې اعلامیې کې په افغانستان کې د خپل هېواد هوايي بریدونه تایید کړي او وئیلي یې وو چې د «غضب للحق» په نوم د پاکستان پوځي عملیات به له افغانستان څخه د ترهګریزو ګواښونو د مخنیوي لپاره دوام ولري. د پاکستان د اطلاعاتو وزارت همدارنګه ادعا کړې چې پر افغانستان د سهار وختي په هوايي بریدونو کې ۲۸ ترهګر وژل شوي دي او پاکستانيو ځواکونو د ملکي وګړو د مرګژوبلې د مخنیوي لپاره لازم احتیاطي اقدامات ترسره کړي دي.
Quick facts
Timeline
-
Parstoday
ملګرو ملتونو د پاکستان په هوائي برید کې د افغان ملکي وګړو وژل کېدل تایید کړل
Sources
External sources
ملګرو ملتونو د پاکستان په هوائي برید کې د افغان ملکي وګړو وژل کېدل تایید کړل