پارس تودی- د افغانستان د کرنې وزیر مولوي عطاالله عمري په کابل کې د ایران د اسلامي جمهوریت د سفارت له سرپرست علیرضا بیکدلي سره وکتل. د پارس تودی له راپور سره سم، د افغانستان د کرنې وزیر په کابل کې د ایران د اسلامي جمهوریت د سفارت له سرپرست سره په لیدنه کې د دواړو هېوادونو ترمنځ د کرنې په برخه کې د همکاریو پر پراختیا ټینګار وکړ. د افغانستان د کرنې وزیر مولوي عطاالله عمري او په کابل کې د ایران د اسلامي جمهوریت د سفارت د سرپرست علیرضا بیکدلي په لیدنه کې دواړو لورو د کرنې، مالدارۍ او د نساجۍ د فابریکو د جوړولو په برخو کې د همکاریو پخ پراختیا ټینګار وکړ. په دې لیدنه کې چې په کابل کې ترسره شوه، مولوي عطاالله عمري ایران ته د افغانستان د کرنې وزارت د یوه تخنیکي پلاوي د نږدې سفر خبر ورکړ او ویې ویل: دغه پلاوی به د ایران له تخنیکي مسوولانو او د خصوصي سکتور له استازو سره لیدنه وکړي او د ګډو همکاریو د زمینو په اړه به خبرې اترې وکړي. دغه لیدنه د سیمهییزو همکاریو د پیاوړتیا او له بهرنیو مرستو څخه د پییلتیا د کمولو لپاره د دواړو هېوادونو د هڅو په چوکاټ کې ترسره کېږي. افغانستان په وروستیو کلونو کې د امریکا او لوېدیځ د غیرقانوني بندیزونو او د نړیوالو مرستو…
اطلاعات کوتاه
خط زمانی
-
Parstoday
د کرنې په برخه کې د ایران او افغانستان د همکاریو پراختیا