د څلورو کارخونو مسؤلین: په کنړ کې د ترکاڼۍ په سلګونو کارخونې تړل… — Amu TV

د څلورو نجاریو مسؤلینو آمو ته ویلي دي چې په کنړ ولایت کې د طالبانو د مسؤلینو له خوا د لرګینو جوړ شویو محصولاتو او وسایلو پر لېږد لګول شوي بندیز د سلګونو نجاریو د تړل کېدو او د زرګونو کسانو د بې‌کارۍ سبب شوی دی. د دوی په وینا، تر دغه بندیز وړاندې زرګونه کسان د دغو محصولاتو د تولید او لېږد په برخه کې پر کار بوخت وو. عبدالوکیل، چې یو نجار دی، آمو ته وویل: «د خلکو اقتصادي وضعیت خراب دی. بې‌کاره کېږي. لرګي هم خرابېږي او د خلکو هیلې پرې کېږي.» د کنړ د څوکۍ ولسوالۍ یوه برخه د نجاري صنعت له مهمو مرکزونو څخه ده، چې په‌کې د لرګینو ساختماني محصولاتو سلګونو کارخانو فعالیت درلود. طالبانو واک ته تر بیا رسېدو نږدې یوه میاشت وروسته، د ۲۰۲۱ میلادي کال په سپټمبر میاشت کې وویل چې ځنګلونه ملي سرمایه ده او له همدې امله یې له کنړ څخه پاکستان ته د لرګیو لېږد منع کړ. حاجي مدیر، نجار، آمو ته وویل: «د چا دروازه پاتې ده او د چا چوکاټ. خلک غوسه دي. موږ وایو چې زموږ په محصولاتو دې حکومت هم پیاوړی شي او د خلکو کارونه دې هم روان شي. زموږ غوښتنه دا ده چې دا بندیز ژر تر ژره لرې شي؛ ځکه نجاران تل له پیرودونکو سره په نښته او لاسو ګرېوان دي.»…