پاکستان د ۱۳ طالبانو د وژلو ادعا کړې؛ خو طالبان یې ردوي — Dw

پاکستان وايي چې د افغانستان په سویل لویدیځ کې د شپې په نښتو کې لږ تر لږه ۱۳ افغان طالب سرتیري وژل شوي، خو افغانستان دا ادعا رد کړې ده. پر افغانستان د پاکستان تر وروستیو هوايي بریدونو وروسته اړیکې لا پسې ترینګلي شوي. د پاکستان د اطلاعاتو وزارت د جمعې په ورځ پر ایکس شبکه باندې په یوه خپاره کړي پیغام کې ویلي چې ځواکونو یې د بلوچستان ایالت په سویل لویدیځ کې د ګلستان په سیمه کې هغه څه چې پاکستان «د افغان یرغل هڅه» بللې، شنډه کړې ده. دغه وزارت ویلي چې د پنجشنبې په شپه «لږ تر لږه ۱۳ افغان طالب پرسونل وژل شوي او یو شمیر نور ټپیان شوي دي». دغه بریدونه د دواړو هېوادونو ترمنځ په جګړه کې د پام وړ زیاتوالی ښيي او ښايي د اسلام ‌اباد او کابل ترمنځ د ترینګلتیا د کمولو لپاره نړیوالې هڅې لا پسې پېچلې کړي. پاکستان په منظم ډول کابل تورنوي چې وسله والو، په ځانګړي ډول پاکستاني طالبانو، ته اجازه ورکوي چې د افغانستان له خاورې فعالیت وکړي او د پولې هاخوا پاکستان کې بریدونه ترسره کړي. کابل دا تور ردوي. د پاکستان د اطلاعاتو وزارت د افغانستان د دفاع وزارت هغه ادعا رد کړې چې ګواکې د سپین بولدک په سیمه کې د پاکستان یوه پوسته ویجاړه کړې ده. سپین بولدک د پاکستان د چمن…