افغانستان: ۲۸ جنګیالي وژل شوي — Dw

د طالبانو د ادارې د دفاع وزارت د یکشنبې په ورځ (د ۲۰۲۶ کال د سپتمبر ۲۷مه) وویل چې ځواکونو یې د نورستان په ختیځ ولایت کې ۲۸ جنګیالي وژلي او ۳۲ نور یې ټپیان کړي دي، وروسته له هغې چې د دغه وزارت په وینا یوه ډله چې د داعش وسله‌وال هم پکې شامل وو، له پاکستانه اوښتې وه. دغه وزارت ادعا وکړه چې پاکستاني ملېشو له دغو جنګیالیو ملاتړ کړی او زیاتره یې د افغانستان د پخواني حکومت امنیتي پرسونل وو. د پاکستان د اطلاعاتو وزارت دغه تورونه رد کړل او په اېکس (X) کې یې په یوه خپاره شوي پیغام کې دا ادعاوې «بې‌اهمیته، بې‌بنسټه او له هر ډول حقیقته خالي» وبللې. همدغه وزارت په ورته پیغام کې دا هم رد کړل چې امنیتي ځواکونه یا استخباراتي ادارې یې د نورستان په نښتو کې ښکېلې وې، یا یې د افغانستان پخواني امنیتي پرسونل جلب او روزلي وو او یا یې په افغانستان کې داعش یا نورو وسله‌والو ډلو ته اسانتیاوې برابرې کړې وې. To view this video please enable JavaScript, and consider upgrading to a web browser that supports HTML5 video د کابل دا ادعا چې پاکستاني استخباراتو د افغانستان پخواني امنیتي پرسونل روزلي او له پولې یې اړولي، په وسله‌وال برید کې د دولت د مستقیمې ښکېلتیا تور بلل کېږي. دا ادعا له هغې کمې مودې…