چین په لاوس کې ګډ پوځي مرکز جوړ کړی — Pajhwok

کابل (پژواک، ۸ تله ۱۴۰۵): چین په لاوس کې د پوځي ملاتړ او روزنې یو ګډ مرکز او د هوايي چلند یوه اکاډمي فعاله کړې؛ شنونکي وايي، دغه اقدام کولای شي په سوېل ختیځه اسیا کې د بیجینګ پوځي حضور پراخ کړي. رویټرز نن راپور ورکړی چې «د چین–لاوس د ملاتړ او روزنې ګډ مرکز» او «د چین–لاوس د دوستۍ د هوايي چلند اکاډمي» د لاوس د پلازمېنې وینتیان شاوخوا ۵۰ کیلومتره شمال ته د «بان‌کیون» په هوايي ډګر کې فعالیت پیل کړی دی. په راپور کې د چین د دفاع وزارت له قوله راغلي چې دغه دواړه مرکزونه د چین او لاوس له خوا په ګډه اداره او ساتل کېږي او موخه یې د لاوس د هوايي ځواک د پیلوټانو له روزنې سره مرسته ده. دغه وزارت په یاد ځای کې د ځای پر ځای کېدونکو ځواکونو، تجهیزاتو او تاسیساتو د شمېر په اړه جزئیات نه دي ورکړي. د چین د دفاع وزارت دغه راز ټینګار کړی چې د دغو مرکزونو فعالیت «د هېڅ درېیم هېواد پر ضد نه دی» او موخه یې د دواړو هېوادونو د وسله‌والو ځواکونو ترمنځ د عملي همکاریو پیاوړتیا او د سیمې د سولې او ثبات په ساتلو کې مرسته ده. رویټرز د سپوږمکۍ انځورونو پر بنسټ زیاتوي چې په دغه ځای کې د شاوخوا یوه کال په موده کې ودانیز کارونه ترسره شوي…