په هرات کې له ۲۵ زیاتې کورنۍ په لنډمهالو سرپناو کې ژوند کوي… — Amu TV

د هرات ښار د ۱۱مې ناحیې په کاریزک سیمه کې له ۲۵ زیاتې بې‌ځایه شوې کورنۍ د سختې بې‌وزلۍ او بېکارۍ له امله په موقتي سرپناو کې په بد وضعیت ژوند تېروي. ضیاګل ۹ کاله وړاندې د وچکالۍ او بې‌وزلۍ له امله له ګلران ولسوالۍ څخه کوچېدلې او له خپل مېړه او درېیو ماشومانو سره دغې سیمې ته راغلې ده. هغې خپلو ماشومانو ته یوه موقتي سرپناه جوړه کړې او تر اوسه په کې اوسېږي. ضیاګل له آمو سره په خبرو کې وایي: «موږ ۹ کاله مخکې له ګلران ولسوالۍ دلته راغلو. په دې موده کې مو هر څه وکړل خو ونه توانېدو ځان ته کور کرایه کړو یا یې جوړ کړو. د ماشومانو پلار مې له لاس او پښو فلج دی، هلکان او لور مې واړه دي؛ موږ حیران یو چې څه وکړو.» جمعه ګل د یوې پنځه کسیزې کورنۍ سرپرست دی. هغه وایي دوه میاشتې وړاندې له ایرانه اېستل شوی او په هرات ښار کې یې د کور د کرایه کولو وس نه درلود، نو ځکه یې په دې سیمه کې د خپلې کورنۍ لپاره یوه موقتي سرپناه جوړه کړې ده. د هرات دا بې‌ځایه شوی وایي چې کورنۍ یې اوبو او برېښنا ته لاسرسی نه لري او ماشومان یې په بېلابېلو ناروغیو اخته دي، خو د درملنې مالي وس نه لري. جمعه ګل زیاتوي چې په کشک…