د افغانستان په اړه دایران په نظرکې دپخوا په پرتله لازیات بدلون راغلی دی.

افغانستان داسې نه دی، چې مونږ ووایوهلته دې څوک زمونږ سمنټ او ډبرې واخلي. بلکه اوس افغانستا ن د ایران لپاره د یو اقتصادي فرصت په معنا دی. زمونږ خبریال راپور راکوي،افغانستان ته د ایران اسلامي جمهوریت د ورغلي یوسلو اتیا کسیزپلاوي مشراو د ایران د اسلامی شورا له تولیداتو د ملاتړ د کمیشن مشر محسن زنګنه د افغانستان په ولایت هرات کې په یوه خبري ناسته کې ویلي، چې د ایران اسلامي جمهوریت اوس خپل ورور او ګاونډي هیواد افغانستان ته له یوې بلې زاویي ګوري. هغه ویلي له دې ورسته افغانستان داسې نه دی، چې مونږ ووایوهلته دې څوک زمونږ سمنټ او ډبرې واخلي. بلکه اوس افغانستا ن د ایران لپاره د یو اقتصادي فرصت په معنا دی. محسن زنګنه وویل، افغانستان پر ایران د تنګسې پر مهال دا ثابته کړه چې د ایران یورښتونی مسلمان ګاونډی او ورور هیواد دی. دهغه پر وینا ایران پوهیږي چې څوک یې دوست او څوک یې دښمن دی. دایران اسلامي جمهوریت د اسلامي شورا دې لوړپوړي غړي په خپلو څرګندونوکې د ایران او امریکا ترمنځ د پاکستان پر منځګړتوب هم شک څرګند کړی او ویلی یې دي . هغه منځګړی چې موږته یې په شاتو کې زهر راکول. محسن زنګنه پرته له دې چې د پاکستان نوم واخلي وویل ، د منځګړي هیواد د پارلمان د مشرهغه تویټ، چې د ده…