هرات کې د ۱۲ میلیونه افغانیو په لګښت د دوو سړکونو د قیرکولو… — Bakhtar

Summary: د هرات ښار په اتمه او دولمسه ناحیه کې د هرات ښاروالۍ له پراختیایي بودېجې څخه د ۱۲ میلیونه افغانیو په لګښت د دوو سړکونو د قیرکولو چارې بشپړې شوې دي. د هرات ښاروالۍ مطبوعاتي مسوول خان محمد یوسفزی باختر اژانس ته ویلي چې د دغه ښار په اتمه ناحیه کې د ۷۸۱ متره په اوږدوالي او په دولسمه ناحیه کې د ۴۴۰ متره په اوږدوالي د دوو سړکونو د قیرکولو چارې بشپړې او ګټې اخیستنې ته سپارل شوې دي.نوموړي زیاته کړې چې د یادو سړکونو دواړو خواو ته د ویالو جوړول هم شامل دي، چې پر مټ به یې د سیمې اوسېدونکو لپاره د تګ راتګ اسانتیاوې برابرې شي.ورته مهال د سیمې اوسېدونکو د یادو سړکونو د قیرکولو له چارو خوښي څرګندوي او وایي، چې د دغو سړکونو په جوړېدو سره به ترانسپورټ او تګ راتګ په برخه کې شته ستونزې هوارې شي.