د افغان کډوالو د ستنولو لپاره مهالویش؛ افغان تاجران په پاکستان کې د خپلو شتمنیو په اړه اندیښمن دي

په پاکستان کې دیره افغان تاجران وائي په دغه هیواد کې د ملیارډونو ډالرو سرمائې او تجارتونه لري او د دباؤنو له امله مجبوره دي چې خپلې دغه شتمنۍ پریږدي یا ئې په نیمائی بیّه خرڅې کړي. زمونږ خبریال د افغان خبرو سرچینو له قوله راپور راکړ، په داسې حال کې چې د کابل او اسلام اباد اړیکې د ترینګلتیا لوړې کچې ته رسیدلې دي او پاکستان د افغان کډوالو د ستنولو بهیر ګړندی کړی،په دغه هیواد کې میشت افغان تاجران د خپلو د ملیارډونو ډالرو" پانګونو او تجارتونو په باب اندیښمن دي. په راپور رکې وئيل شوي دي ، په پاکستان کې دیره افغان تاجران وائي په دغه هیواد کې د ملیارډونو ډالرو سرمائې او تجارتونه لري او د دباؤنو له امله مجبوره دي چې خپلې دغه شتمنۍ پریږدي یا ئې په نیمائی بیّه خرڅې کړي. دوي وائي اوس دغې خطرې سره مخ دي چې پاکستان کې به ئې د څو لسیزو خواري او زحمتونه په اوبو ولاهو شي. حاجي ګلزمان برکي په پاکستان کې د افغان مهاجرینو د قومونو د عالي شورا د کمیشن مشر دی چې کلونه راهیسې هلته تجارت کوي. هغه وائي،افغان تاجرانو په پاکستان کې د ملیارډونو ډالرو تجارتونه اوپانګونې درلودې چې ځینې ئې په دې وروستیو کلونو کې افغانستان ته منتقلې شوي او ډیری ئې پاکستان کې لاپاته دي چې په نیمه بّیه ئې…