بلخ کې د عالیقدر امیرالمؤمنین حفظه الله د ۱۷ مې ګڼې فرمان د… — Bakhtar

Summary: د بلخ ولایت په مرکز مزارشریف ښار کې د البرز علمي او فرهنګي ادارې او د بلخ د اطلاعاتو او کلتور ریاست له لوري یوه ولسي غونډه جوړه شوه، چې پکې د عالیقدر امیرالمؤمنین حفظه‌الله د ۱۷مې ګڼې فرمان پر تطبیق، د نشه‌یي توکو او انساني قاچاق پر مخنیوي او د اسلامي امارت څخه د ولسي ملاتړ پر اهمیت خبرې وشوې. د غونډې ګډونوالو د یاد فرمان د احکامو پر عملي کولو، په ټولنه کې د عامه پوهاوي د کچې پر لوړولو، د نشه‌یي توکو د ناوړه اغېزو پر وړاندې پر مبارزې او د ټولنیزو مسوولیتونو په ادا کولو کې د خلکو پر ونډې ټینګار وکړ. د بلخ د اطلاعاتو او کلتور رئیس مولوي محمدالله ضرار د عالیقدر امیرالمؤمنین حفظه الله د ۱۷مې ګڼې فرمان د احکامو د عملي کېدو پر اهمیت خبرې وکړې او ویې ویل، چې د یاد فرمان د موخو د تحقق لپاره د عامه پوهاوي لوړول او د ټولنې د بېلابېلو قشرونو همکاري اړینه ده. نوموړي همدارنګه د نشه‌یي توکو د ناوړه پایلو په اړه د خلکو د پوهاوي پر زیاتوالي او د اسلامي نظام د ملاتړ په برخه کې د ولس پر ونډې ټینګار وکړ. په همدې حال کې، د بلخ یو شمېر دیني عالمانو او قومي مشرانو هم د یاد فرمان د احکامو پر تطبیق خبرې وکړې او د نشه‌یي توکو د مخنیوي، د ټولنیزو مسوولیتونو د ادا کولو او د هېواد د ثبات او پرمختګ لپاره یې له مسوولینو سره د خلکو پر همکارۍ ټینګار وکړ. د غونډې په بله برخه کې، همداراز د بلخ اوسېدونکو د هېواد له نوموتي ډاکټر شمس‌الرحمن ټني څخه هم ستاینه وکړه، چې له خوست ولایت څخه د هېواد شمال ته راغلی او تر دې مهاله یې سلګونو ناروغانو ته په وړیا توګه جراحي عملیات ترسره کړي دي. ګډونوالو د نوموړي روغتیايي خدمتونه وستایل او د ناروغانو د درملنې په برخه کې یې د هغه هڅې د هېوادوالو لپاره د خدمت یوه غوره بېلګه وبلله.