کابل (پژواک) – معاون اول رئیس‌جمهور ایران در دیدار با رئیس‌جمهور تاجیکستان گفته که تهران به گسترش همکاری‌های سه‌جانبه با افغانستان و تاجیکستان علاقه‌مند است و ظرفیت‌های مناسبی برای توسعۀ این همکاری‌ها وجود دارد. رسانه‌های ایرانی روز گذشته (دوشنبه) از دیدار محمدرضا عارف، معاون اول رئیس‌جمهور ایران با امامعلی رحمان، رئیس‌جمهور تاجیکستان در حاشیۀ نشست نخست‌وزیران کشورهای عضو سازمان همکاری شانگهای در شهر دوشنبه خبر داده‌اند. محمدرضا عارف در این دیدار طرح پیشنهادی امامعلی رحمان دربارۀ ایجاد کریدور انرژی پارس جنوبی ـ افغانستان ـ تاجیکستان را طرح بسیار مثبت و سازنده خوانده‌است. وی تصریح کرده‌است که ایران و تاجیکستان می‌توانند در چارچوب سازمان همکاری شانگهای، همکاری نزدیک‌تری در زمینۀ کریدورهای ترانزیتی، امنیت مرزها و قاچاق مواد مخدر و همچنان تحولات افغانستان داشته باشند. عارف همچنان بر همکاری در بخش اکتشاف نفت و گاز، صنایع پتروشیمی، صادرات محصولات نفتی و گازی و اتصال تاجیکستان به آب‌های آزاد خلیج فارس تأکید کرده‌است.
Quick facts
Timeline
-
Pajhwok
معاون رئیس‌جمهور ایران: تهران به گسترش همکاری‌های سه‌جانبه با افغانستان و تاجیکستان علاقه‌مند است
Sources
Afghan sources
معاون رئیس‌جمهور ایران: تهران به گسترش همکاری‌های سه‌جانبه با افغانستان و تاجیکستان علاقه‌مند است