هرات (پژواک) – هرات کې د معصومې محسني په نوم یوې ځوانې نجلۍ څلور کاله مخکې په کمه پانګه د مرخېړیو د تولید کاروبار پیل کړ؛ د هغې دغه کوچنی کاروبار اوس د ودې په حال کې دی او هڅه کوي د خپل تولید د پراختیا ترڅنګ، نورو ښځو او نجونو ته هم په دې برخه کې د روزنې او کار زمینه برابره کړي. معصومې په پیل کې په محدودو امکاناتو او یوه کوچني ځای کې د مرخېړیو روزنه او تولید پیل کړ؛ هغه اوس د مرخېړیو د روزنې ترڅنګ غواړي اصلاحشوی تخم هم تولید کړي او هیله لري چې په راتلونکي کې خپل فعالیت پراخ او د مرخېړیو د تولید یوه فابریکه جوړه کړي. معصومه وايي: «زموږ له مهمو او اساسي موخو څخه یوه دا ده چې په افغانستان کې د مرخېړیو د روزنې، پېر او پلور ترویج کړو؛ افغانستان د مرخېړیو په څېر د لوړ غذایي ارزښت لرونکو محصولاتو د تولید لپاره ډېر ظرفیت لري. له بلې خوا، دغه فعالیت کولای شي د خلکو لېوالتیا د ورته محصولاتو تولید ته زیاته کړي. مرخېړي د غذایي ګټو ترڅنګ له اقتصادي پلوه هم ارزښت لري او د کرنې په پیاوړتیا کې اغېزناک دي.» هغه زیاتوي چې د مرخېړیو د تولید د پراختیا لپاره هڅې کوي، څو د محصول اندازه زیاته او په راتلونکي کې د یوه معیاري تولیدي مرکز یا…
اطلاعات کوتاه
خط زمانی
-
Pajhwok
له لږې پانګې تر سترې هیلې؛ هرات کې د یوې نجلۍ د مرخېړیو کاروبار
منابع
Afghan sources
له لږې پانګې تر سترې هیلې؛ هرات کې د یوې نجلۍ د مرخېړیو کاروبار