کابل (پژواک، ۲۹ تله ۱۴۰۵): د افغانستان د کرکټ له ۱۹ کلنو کمعمره لوبډله د څلورو یو ورځنیو سیالیو په لړ کې نن له بنګلهدېش سره درېیمه لوبه ترسره کوي. د افغانستان کرکټ بورډ ویلي چې د هېواد له ۱۹ کلنو کمعمره لوبډله د څلورو یو ورځنیو سیالیو لوبلړۍ په درېیمه لوبه کې نن د بنګلهدېش پر وړاندې د سیالۍ ډګر ته کښته کېږي. کرکټ بورډ ویلي چې دغه لوبه د افغانستان پر وخت سهار ۹:۳۰ بجې په عمان کې ترسره کېږي. افغان لوبډلې په دغو سیالیو کې خپله لومړۍ لوبه بنګلهدېش ته بایللې او دویمه لوبه یې مساوي کړې ده. دغه سیالۍ د ۲۰۲۶ کال له ۱۹ کلنو د کمعمره لوبغاړو د اسیا جام سیالیو لپاره د چمتووالي په موخه ترسره کېږي. ټاکل شوې دغه سیالۍ د نومبر په پنځمه په عمان کې پیل شي.
Quick facts
Timeline
-
Pajhwok
د افغانستان له ۱۹ کلنو کمعمره کرکټ لوبډله نن له بنګلهدېش سره لوبه کوي
Sources
Afghan sources
د افغانستان له ۱۹ کلنو کمعمره کرکټ لوبډله نن له بنګلهدېش سره لوبه کوي