سالنګ کې د یوې ترافیکي پېښې له امله ٢٥ کسانو ته مرګ‌ژوبله واوښته — Bakhtar

Summary: د بغلان ولایت د سالنګ شمالي تونل په خوله کې د ۵۸۰ ډوله مسافر وړونکي موټر او یوه ټانکر ترمنځ د ټکر له امله پنځه کسان مړه او شاوخوا ۲۰ نور ټپیان شوي دي. د بغلان د ترافیکو عمومي مدیر قاري نذیرالله عابدي باختر اژانس ته ویلي، چې دغه پېښه د شپې شاوخوا دوه بجې هغه مهال رامنځته شوه، چې یو مسافر وړونکی موټر له پلخمري څخه د کابل پر لور روان و او د چټک تګ او د لارې د یخوالې له امله د موټر چلوونکي له کنټروله ووت. د نوموړي په وینا، یاد موټر لومړی د سړک له غاړې له دېوال سره او وروسته په لاره کې له یوه درېدلي ټانکر سره ټکر کړی دی. عابدي زیاته کړې، چې د پېښې د مړو جسدونه او ټپیان د ثبت او درملنې په موخه روغتون ته لېږدول شوي او د پېښې په تړاو څېړنې روانې دي.