باجوړ کې پر سیاسي غونډو یو میاشتنی بندیز ولګول شو — AF International

د خیبر پښتونخوا د باجوړ ولسوالۍ ادارې د «امنیتي وضعیت» له امله پر ټولو سیاسي غونډو، دولت ضدو ویناوو او وسلو ګرځولو یو میاشتنی بندیز لګولی دی. د ډان ورځپاڼې د راپور له مخې، دا پرېکړه د باجوړ مرستیال کمېشنر عدنان فرید افریدي کړې ده.په خبرپاڼه کې ویل شوي، د قانون او نظم د وضعیت له امله د خلکو د سر او مال د خوندیتوب او د سولې د ټینګښت لپاره دغه محدودیتونه اړین بلل شوي دي.چارواکو امنیتي ځواکونو ته سپارښتنه کړې چې دغې ولسوالۍ ته پر ورغلو لارو امنیتي تدابیر سخت کړي او د هر ډول غونډو مخه ونیسي.دا بندیز د نومبر له ۱۵مې نافذ شوی او د ډسمبر تر ۱۵مې پورې به پر ځای وي. چارواکو ویلي، د پرېکړې سرغړوونکي به د پاکستان د جزا قانون له مخې مجازات شي.باجوړ کې له تېرو څو کلونو راهیسې امنیتي پېښې زیاتې شوې دي. تېره میاشت هم په دې ولسوالۍ کې د وسله‌والو د برید پر مهال یو پولیس افسر وژل شوی و.دا پرېکړه داسې مهال شوې چې پاکستاني پوځ په وروستیو ورځو کې په خیبر پښتونخوا او بلوچستان کې د لسګونو وسله‌والو د وژلو ادعا کړې ده. افغانستان انټرنیشنل – پښتو سره په ځانګړې مرکه کې حاجي جلیل جان وویل چې جمعیت علماء اسلام دومره کمزوری ګوند نه دی چې داسې بې بنسټه کمپاین به یې متاثره کړي، بلکې موږ…