بلخ کې د چغدک څلور لارې شاوخوا سړک د بیا رغولو چارې پیل… — Bakhtar

Summary: د مزارشریف ښاروالۍ له لوري د یاد ښار د څلورمې ناحیې اړوند د چغدک څلورلارې شاوخوا سړک د بیارغولو او پراخولو پروژې چارې پیل شوې. د مزارشریف ښاروال حافظ عبدالرحمن همت د پروژې د پیل پر مهال ویلي، چې د دې پروژې د پلي کېدو موخه ښاري نظم، د موټرو د تګ راتګ اسانتیا او د ترافیکي پېښو کمول دي، چې د خصوصي سکټور په مالي ملاتړ د څه باندې ۲ میلیونه افغانیو په لګښت پلې کېږي.د مسوولینو په خبره، په دې پروژه کې د څلورلارې شاوخوا سړک پراخول، د منار جوړول، د فلزي کټارو او څراغونو نصبول شامل دي، چې چارې به یې په نږدې راتلوونکي کې بشپړې او ګټې اخیستنې ته وسپارل شي.