Summary: د ریاستالوزراء اقتصادي معاونیت، پکتیکا کې د ۶۰۰ مټریک ټنه په وړتیا، د یوې سړې خونې د جوړولو خبر ورکړی دی. باختر اطلاعاتي اژانس ته د ریاستالوزراء اقتصادي معاونیت د مطبوعاتي دفتر د معلوماتو له مخې؛ یاده سړه خونه به د ۶۰۰ مټریک ټنه په وړتیا او د ۹۳.۵ میلیونه افغانیو په ارزښت د شپږ جریبه ځمکې په ساحه کې جوړه شي.د یادې سړې خونې د جوړولو چارې ۳۰ سلنه ترسره شوې او د روان ۱۴۰۵ لمریز کال تر پایه پورې به یې چارې بشپړې او ګټې اخیستنې ته وسپارل شي.ویل کېږي چې په یاده سړه خونه کې تازه مېوې او کرنیز محصولات ساتل کېږي او په جوړېدو سره به یې د پکتیکا بزګرانو ته زیاتې اسانتیاوې برابرې شي.
لنډ معلومات
ځایپکتیکا
موضوعEconomy
سرچینې1
تازه شوی2026-07-11 19:07:57
مهالوېش
-
Bakhtar
پکتیکا کې د ۶۰۰ مټریک ټنه په ظرفیت سړه خونه جوړېږي