ولې میاشې ځینې کسان تر نورو ډېر چیچي؟ – BBC News پښتو — Bbc

د عکس سرچینه، NurPhoto via Getty Images میاشې (میاسې) موږ ته د نژدې کېدو ډېر مخکې، له لرې واټنه هغه ځینې نښې احساسوي چې زموږ بدنونه یې خپروي. نو ایا ته د دې وینې څښونکو حشراتو له غوره هدفونو یې که نه میاشې چندان اغېز نه درباندې کوي؟ زه له هغو کسانو یم چې تل یې میاشې چیچي. د اوړي رخصتیو کې چې د نړۍ هر ګوټ ته ولاړ شم یوه خبره راته یقیني وي: ارومرو میاشې راپسې وي او چیچي مې. د میاشې چیچ به دومره لوی و چې د پوستکي خارښت به راته پیدا شو او اغېز به یې څو اونۍ پاتې شي. په همدې وخت کې، زما ځینې ملګري چې راسره وي هېڅ ستونزه نه لري. کېدای شي ان یوه میاشه هم هغوی ونه چیچي. او هغه کسان چې چیچل شوي وي هم وي، ډېری وخت یې پر پوستکي یوازې یوه کوچنۍ سره نقطه ښکاري. له همدې امله زما ملګري تل ټوکې کوي او وايي چې ګواکې زما وینه "میاشتې ځان ته راکاږي". خو څرګنده شوې چې په دې خبره کې یو څه حقیقت شته. زموږ بدنونه بیولوژیکي نښې خپروي، چې پکې د ساایستلو پر مهال خارجېدونکی کاربون ډای اکسایډ او د بدن بوی هم شامل دي. همدا نښې ښيي چې یو انسان تر کومه حده د میاشو د چیچلو هدف کېدای شي. د ځینو خلکو لپاره…