د ملګرو ملتونو د بشري استوګنې پروګرام ویلي، چې په افغانستان کې زرګونه راستنېدونکي لا هم د خپلو کورونو او ژوند د بیارغونې لپاره بشري ملاتړ ته اړتیا لري. د طالبانو د ازموینو ادارې د حکومت د رسنیو په مرکز کې د ۱۴۰۵ کال عمومي کانکور او دیني مدارسو ازموینو د لسو مخکښو بریالیو د ستاینې لپاره ځانګړي مراسم جوړ کړي وو. په دې مراسمو کې د طالبانو د رييسالوزرا اداري مرستیال عبدالسلام حنفي د هېواد په ابادۍ او پرمختګ کې د نجونو رول ته د هېڅ ډول اشارې پرته وویل: «د هېواد د ابادۍ او پرمختګ مسوولیت د افغانانو پر اوږو دی او هېڅوک به له بهر څخه را نهشي چې افغانستان جوړ کړي». عبدالسلام حنفي همداراز له ټولو ځوانانو وغوښتل، چې له خپل دين او وطن سره د خدمت او وفادارۍ ژمنه وکړي او د خپلې پوهې، وړتیا او تخصص پر مټ د افغانستان د ابادۍ، پرمختګ او سوکالۍ لپاره کار وکړي. د طالبانو د ازموینو ادارې رییس عبدالباقي حقاني وویل، چې دغه بریالي د کوم ځانګړي مقام یا نفوذ له مخې نه، بلکې د خپلو کورنیو د کلونو هڅو، زحمتونو او د خپلو شخصي هڅو په پایله کې دې مقام ته رسېدلي دي. حقاني هم د نجونو د لوړو زدهکړو ته له هېڅ ډول اشارې پرته زیاته کړه: «ځوانان باید د دیني او عصري علومو په زده…
اطلاعات کوتاه
خط زمانی
-
AF International
ملګري ملتونه: زرګونه راستنېدونکي افغانان لا هم د کور او ژوند د بیارغونې مرستو ته اړتیا لري
منابع
Afghan sources
ملګري ملتونه: زرګونه راستنېدونکي افغانان لا هم د کور او ژوند د بیارغونې مرستو ته اړتیا لري