په مزارشریف کې د آیت‌الله خامنه‌يي د فاتحې او درناوي مراسم ترسره شول

د بلخ ولایت په مرکز مزارشریف ښار کې د اسلامي انقلاب د شهید رهبر، آیت‌الله خامنه‌يي د فاتحې او درناوي مراسم ترسره شول. دغه مراسم د مزارشریف په جامع جومات او سلطانیه دیني مدرسه کې جوړ شوي وو، چې پکې ګڼ شمېر دیني عالمانو، سیمه‌ییزو چارواکو، د ایران اسلامي جمهوریت سرقونسل او د سرقونسلګرۍ مسئولینو، او د مزارشریف ښار او شاوخوا ولسوالیو زرګونو اوسېدونکو ګډون کړی وو. د مراسمو ویناوالو د آیت‌الله خامنه‌يي د شخصیت او فعالیتونو په اړه خبرې وکړې او هغه یې د اسلامي نړۍ د یووالي، د اسلامي ارزښتونو د ملاتړ او دیني اصولو د ترویج په برخه کې اغېزناک شخصیت وباله. د بلخ د جمعې امام او دیني عالم سید حیدر هاشمي وویل، د آیت‌الله خامنه‌يي شهادت د اسلامي نړۍ لپاره ستره ضایعه ده او د میلیونونو مسلمانانو احساسات یې اغېزمن کړي دي. هغه زیاته کړه، ستر شخصیتونه او لوی فکرونه هېڅکله نه ختمېږي، بلکې د تاریخ په حافظه او د خپلو پلویانو په زړونو کې ژوندی پاتې کېږي. هاشمي همداراز وویل، آیت‌الله خامنه‌يي د خپل ژوند په اوږدو کې پر خپلو دیني او سیاسي باورونو ولاړ پاتې شوی او د خپلو موخو لپاره یې دوامداره هڅې کړې دي. نوموړي د جنازې په مراسمو کې د خلکو پراخ ګډون ته په اشارې وویل، دا د هغه د مقام او د پلویانو ترمنځ د ځانګړي درناوي څرګندونه…