هند له افغان راستنېدونکو سره د نږدې ۲۳ ميلیونه افغانیو په ارزښت مرسته… — Bakhtar

Summary: د مهاجرینو او راستنېدونکو چارو وزارت خبر ورکړی، چې له افغانستان سره د مرستو پر دوام د هند سفارت له دغه وزارت سره د راستنېدونکو د لومړیو اړتیاوو پوره کولو په موخه د شاوخوا ۲۲ میلیونه ۶۰۵ زره افغانیو پر ارزښت د ۱۵۰۰ خېمو مرسته وکړه. یاد وزارت په یوه خبرپاڼه کې د دغو مرستو له کبله مننه کړې او ویلي یې دي، چې دغه خېمې به تر ارزونې وروسته په عادلانه ډول مستحقو راستنو شویو کورنیو ته ووېشل شي. همدارنګه یاد وزارت له ټولو هغو مرستندویو هېوادونو او موسسو څخه، چې له زیانمنو کورنیو او راستنېدونکو سره مرستې کوي، مننه وکړه او د ورته مرستو د دوام هیله یې څرګنده کړه، تر څو د راستنېدونکو کورنیو د ژوند ښه ‌والي کې مرسته وکړي.