Summary: د غور ولایت د کلیو بیارغونې او پراختیا ریاست مسوولین وایي، چې د فیروزکوه ښار اړوند په دوو سیمو کې د څه باندې ۱۶ میلیونه افغانیو په لګښت د اوبو رسولو د دوو شبکو د جوړېدو چارې بشپړې شوې دي. د یاد ریاست مطبوعاتي مسوول ذبیح الله غوثي زاده باختر اطلاعاتي اژانس ته وویل، چې دغه پروژې د یونیسف مؤسسې په مالي ملاتړ د ۱۶ میلیونه ۳۷ زره ۱۵۲ افغانیو په لګښت د فیروزکوه ښار د بادګاه او سوخته علیا کلیو کې پلې شوې دي.د نوموړي په وینا، د دغو دوو شبکو په فعالېدو سره ۵۱۴ کورنیو ته د څښاک پاکو اوبو د لاسرسي زمینه برابره شوې ده.ورته مهال د یادو سیمو اوسېدونکو د دغو پروژو په بشپړېدو خوښي څرګنده کړې او په راتلونکي کې یې هم د ورته نورو ټولګټو پروژ د پلې کېدو غوښتنه کړې ده.
لنډ معلومات
ځایغور
موضوعHealth
سرچینې1
تازه شوی2026-07-16 07:34:58
مهالوېش
-
Bakhtar
غور کې څه باندې ۵۰۰ کورنیو ته د څښاک پاکې اوبه برابرې شوې