پروان کې یوه مېرمن له پنځه کلن کورني بند څخه وژغورل شوه — Bakhtar

Summary: د امربالمعروف، نهی عن المنکر او شکایتونو اورېدلو وزات خبر ورکړی، چې پروان کې محتسبینو د خپلو هڅو په دوام او د مېرمنو د شرعي حقونو خوندیتوب په موخه د بګرام ولسوالۍ په دهن میدان سیمه کې یوه مېرمن، چې له تېرو پنځو کلونو راهیسې د کورنۍ د غړو له لوري له فزیکي ځورونې او تاوتریخوالي سره مخ وه ژغورلې ده. یاد وزارت په یوه خبرپاڼه کې لیکلي، یاده مېرمن، چې له تېرو پنځو کلونو راهیسې په کورني بند کې ساتل کېدله او له خپلو ټولو شرعي حقونو څخه بې برخې وه، د محتسبینو له لوري تر ژغورلو وروسته له خپلو شرعي حقونو څخه برخمنه شوه.په خبرپاڼه کې ډاډ ورکړل شوی، چې د دې وزارت محتسبین په ټول توان د مېرمنو له شرعي حقونو څخه دفاع کوي او د هغو ناسمو رواجونو مخه به نیسي، چې د مېرمنو شرعي حقوق له ګواښ سره مخ کوي.