بدخشان ته د پاکستان له خاورې د وسله‌والو د واریدیدا هڅه شنډه شوه

د تسنیم خبري اژانس د راپور له مخې، د افغانستان د طالبانو حکومت ویلي چې افغان سرحدي ځواکونو د افغانستان او پاکستان ترمنځ د لانجمنې پولې، چې ډیورنډ کرښه بلل کېږي، له هغې غاړې څخه د بدخشان ولایت زیباک ولسوالۍ ته د وسله‌والو د ننوتلو هڅه ناکامه کړې ده. نورالله نظري، چې په سیمې کې د طالبانو د ۲۱۹ فرقې ویندوي دی، وویل چې دغو وسله‌والو تېره شپه غوښتل د پاکستان د چترال سیمې د شاه‌سلیم له لارې د افغانستان خاورې ته داخل شي، خو د طالبانو سرحدي ځواکونو د زیباک ولسوالۍ په «توپ‌خانې سیمې کې ورسره نښته وکړه. د هغه په وینا، په دغې نښتې کې پنځه وسله‌وال ووژل شول او یو شمېر نور ټپیان شول، پاتې کسان له جګړې وروسته د چترال د شاه‌سلیم سیمې پر لور شاتګ ته اړ شول. طالبانو د دغو وسله‌والو هویت نه دی څرګند کړی، خو دا پېښه په داسې حال کې شوې چې د کابل او اسلام‌آباد ترمنځ امنیتي کړکېچ لا هم دوام لري. له دې وړاندې طالبانو پاکستان تورن کړی و چې په خپلې خاورې کې ئې د داعش خراسان ډلې لپاره د فعالیت زمینه برابره کړې ده، خو اسلام‌آباد دغه تور رد کړی دی. په مقابل کې، پاکستان څو ځله طالبان تورن کړي چې د تحریک طالبان پاکستان (TTP) غړو ته ئې د افغانستان په خاورې کې د فعالیت اجازت…