منظور پښتین د پاکستان له زندانونو د خپل غورځنګ د یو شمېر غړو… — AF International

د پښتون ژغورنې غورځنګ مشر منظور پښتین د پاکستان له زندانونو څخه د زبیر شاه اغا، عثمان شېراني او محمد شعیب خان په ګډون د یاد غورځنګ د یو شمېر مخکښو غړو له ازادېدو خبر ورکړی او همداراز یې د هغوی له ازادېدو هر کلی کړی دی. ذبیح‌الله مجاهد ادعا کړې، چې په پاکستان کې ناامني څو لسیزې پخوانۍ ریښې لري او د طالبانو له واکمنۍ سره تړاو نه‌لري. تر دې مخکې د پاکستان د بهرنیو چارو وزیر اسحاق ډار د شانګهای د همکاریو سازمان د بهرنیو چارو وزیرانو په غونډه کې له غړو هېوادونو غوښتي وو، چې طالبان دې د «ترهګرۍ» پر وړاندې خپلو ژمنو عملي کولو او په افغانستان کې د وسله‌والو ډلو د پناه ځایونو د له‌منځه وړلو لپاره وهڅوي. اسحاق ډار ویلي وو، چې له افغانستان څخه راولاړېدونکی د «ترهګرۍ» ګواښ د اسلام‌اباد لپاره یو له جدي امنیتي ننګونو څخه دی. ذبیح‌الله مجاهد د جمعې په ورځ (د زمري په دویمه) د اسحاق ډار د څرګندونو په غبرګون کې وویل، طالبان پر خپلې ژمنې ولاړ دي او اجازه نه‌ورکوي، چې د افغانستان خاوره د نورو هېوادونو پر ضد وکارول شي. هغه یو ځل بیا په افغانستان کې د هر ډول «ترهګرې ډلې» حضور رد کړ. طالبانو تل د پاکستان هغه تورونه رد کړي، چې ګواکې په افغانستان کې وسله‌والې ډلې حضور او فعالیت لري. طالبان وايي،…