Summary: د زابل په شاجوی ولسوالۍ کې د کلیو بیارغونې او پراختیا ریاست تر څارنې لاندې د اوبو لګولو کانالونه او استنادي دېوالونه جوړ شول. یادې پروژې د ملګرو ملتونو د پراختیايي پروګرام په مالي ملاتړ د څه باندې ۵ میلیونه افغانیو په لګښت پلې شوې دي.د زابل د کلیو بیارغونې او پراختیا رئيس مولوي حکمت الله رهبر وايي، چې په دې پروژو کې د سېلابونو د مخنیوي او کرنیزو ځمکو د خړوبولو په موخه د ۱۲۰ مترو په اوږدوالي، ۱۸۰ سانتي مترو لوړوالي او ۶۰ سانتي مترو عرض لرونکی استنادي دېوال جوړ شوی دی.نوموړي زیاته کړې، چې همدارنګه د اوبو لګولو ۲۸۰ متره کانال جوړ او ۸۰۰ متره نور هغه یې پاک شوی دی.د یادو چارو ټول لګښت ۵ میلیونه، ۵۴۳ زره ۵۳۷ افغانۍ ښودل شوی، چې د کار په جریان کې لسګونو کسانو ته د کار زمینه هم برابره شوې وه.یاده پروژه د ۱۴۰۵ کال د زمري په ۸مه بشپړه شوې، چې ورسره به د سیمې کروندګرو ته د اوبو په برخه کې اسانتیاوې برابرې او د کرنې په وده کې مهم رول ولوبوي.
Quick facts
Timeline
-
Bakhtar
زابل کې د کرنیزو ځمکو د خړوبولو په موخه دوه پروژې بشپړې شوې
Sources
Afghan sources
زابل کې د کرنیزو ځمکو د خړوبولو په موخه دوه پروژې بشپړې شوې