د پناه غوښتونکو اخراج؛ «له يوه بل سره خط څخه تیرېدنه» — Dw

د ايربس «ای ۲۱۴-۳۲۰» الوتکې پرواز چې په «فريبرډ ایرلاينز» شرکت پورې اړونده ده، سه شنبه نيمه شپه يوه بجه او ۴۳ دقيقو باندې یې د لايپڅګ/هاله له هوايي ډګر څخه د ترکیې ترابزون ښار ته پرواز وکړ او بيا وروسته کابل ته روانه شوه. دا یو عادي پرواز نه وو. په دې پرواز کې په لومړي ځل واک ته د طالبانو تر رسېدو راهېسې پر ۳۰ هغو پناه غوښتونکو سربیره چې جرمونه یې کړي ول، يو داسې افغان تبعه هم له آلمان څخه اخراج شو چې هيڅ جرم یې نه وو کړی. اړونده موضوع:آلمان تر ۳۰ زیات افغان پناه غوښتونکي اخراج کړل دا ګام پر يوې تازه سياسي او حقوقې بېلګې باندې بدل شو او پراخ اعتراضونه یې ترشا درلودل. د ۲۶۰ په شا او خوا کې کسانو د نژاد پالنې ضد يوه ائتلاف غوښتنې ته ځواب ووايه او د لاپيڅيګ/هاله هوايي ډګر د پروازونو په سالون کې یې په احتجاج لاس پورې کړ. د دې ائتلاف وياند لوکا مولر، په برلين کې د ال جي بي ټي کيو ټولنې په يوه جشن باندې چې د «کرسټوفر ستريټ ډی» په نوم ياديږي، وروستي بريد ته په اشارې سره وويل: «په داسې حال کې چې ټول د برلين د کرسټوفر سټريټ ډی مراسمو په ارتباط اسلامستي تاوتريخوالی غندي، د آلمان دولت له اسلامستو طالبانو سره له خپلو هوکړو څخه دفاع…