د افغانستان د نورستان چارواکو له سیلاب ځپلو سره د بیړنیو مرستو غوښتنه کړې

د افغانستان د نورستان ولایت اړونده مسئولانو په یولړ څرګندونو کې وئیلي دي، د روستي سیلاب له امله ځاي زیانمنې شوې کورنۍ بیړنیو خوراکي او غیرخوراکي مرستو ته ډیره اړتیا لري زمونږخبریال راپور راکړ، تیره اونۍ د افغانستان دنورستان ولایت په ختیځ کې د برګمټال ولسوالۍ اوله ګل سیمه سختو سیلابونو وځپله ، دغلته د سر پر زیان سربیره خلکوته درانه مالي زیانونه هم اوښتي دي ، د نورستان د مرستیال والي مولوي فیصل مختار په مشرۍ د ولایتي ادارې یو پلاوي دغې سیمې ته د ارزونې او مرستو د جلبولو په موخه تللی دی، مرستیال والي ویلي. سیلابونو د برګمټال ولسوالۍ په اوله ګل سیمې کې ۱۷۰ داستوګنې کورونه،څلور ژرندې، پلونه،جوماتونه، ښوونځي،فرعي سرکونه او نورټولګټې تاسیسات یا بیخي نړولي اویا یې زیانمن کړي دي.مولوي فیصل مختار له مرستندویه ادارو دغلته سیلاب ځپلو سره د بیړنیو مرستو تر سره کولو غوښتنه کړې ده. بلخوا یو شمیر نړیوالو مرستندویه ادارو دبرګمټال اوله ګل سیمې دغیرخوراکي توکو یوه جوپه رسولي ،چې پکې خیمې، کمپلې، دپخلنځي وسایل او نور توکي شامل دي، دملګرو ملتونو دمهاجرت نړیوال سازمان استازې ذبیح الله امین ددې مرستو دویش پرمهال وویل ،یو سلویونوي کورنیو ته یې دا مرستې وویشلې. دنورستان برګمټال ولسوالۍ د اوله ګل سیلاب ځپلې سیمې اوسیدونکي ،چې دا مرستې یې تر لاسه کړي مننه کوي. خو وایي، دا بسنه نه کوي او دوې، چې کوم…