نورالله نوري: د طالبانو په لیکو کې قوم‌پالنه او سمت‌پالنه ځای نه لري — AF International

د طالبانو د سرحدونو، قومونو او قبایلو چارو وزیر ملا نورالله نوري د بدخشان ولایت یفتل ولسوالۍ ځایي خلکو سره کتنې پر مهال ویلي چې د دې ډلې په لیکو کې تعصب، قوم‌پالنه، سمت‌پالنه او نژاد‌پالنه ځای نه لري. نورالله نوري بدخشان ته د ملاحسن اخوند په سپارښتنه سفر کړی دی. واک ته د طالبانو د بېرته ستنېدو پنځه کاله وروسته، د دې ډلې وسله وال مخالفان لا هم نه دي توانېدلي چې د ځواک توازن بدل کړي. طالبان په ټول افغانستان کې دولتي ادارې او د هېواد اصلي اقتصادي سرچینې په خپل واک کې لري. مخالفان نه کومه سیمه تر خپلې ولکې لاندې لري او نه هم له اغېزمن بهرني ملاتړ څخه برخمن دي چې وکولای شي، لکه د جګړو په کلونو کې د طالبانو په اړه د پاکستان ملاتړ، یوې چریکي ډلې ته د پراختیا او دوام زمینه برابره کړي. موږ د طالبانو د واکمنۍ د راتلونکي په اړه د ازادۍ جبهې له مشر یاسین ضیا، څو څېړونکو او پخوانیو افغان چارواکو سره خبرې کړې دي. د څېړونکو نظر دا دی چې طالبان له جدي ستونزو سره مخ دي، خو دا ستونزې لا هم په دې معنا نه دي چې د طالبانو سقوط نږدې دی. یاسین ضیا افغانستان انټرنشنل ته وویل، د طالبانو راتلونکی باید یوازې د جګړې د ډګرونو له وضعیت څخه ونه ارزول شي. د هغه…