درانی: طالبان پنځه کاله وروسته هم له سیاسي مشروعیت او له سیمه‌ییز ثبات… — AF International

د افغانستان لپاره د پاکستان پخوانی ځانګړی استازی اصف دراني وايي، طالبان که څه هم د تېرو څلورو لسیزو جګړو په پرتله نسبي امنیت ټینګ کړی، خو پنځه کاله وروسته لا هم هېواد له سیاسي مشروعیت، اقتصادي ستونزو، دیپلوماتیک انزوا او د ښځو د حقونو د محدودیتونو له جدي ننګونو سره مخ دی. دغه سازمان خبرداری ورکړی چې د بریتانیا حکومت، سره له دې چې په افغانستان کې د ښځو او نجونو له پراخې ځپنې خبر دی، لا هم د یو شمېر افغان ښځو د پناه غوښتنې غوښتنلیکونه ردوي. د بښنې نړیوال سازمان د بریتانیا څانګې د جمعه (د زمري ۲۳مه) د طالبانو د بېرته واک ته رسېدو پنځمې کلیزې په مناسبت، په یوه اعلامیه کې ویلي چې طالبانو په تېرو پنځو کلونو کې په ټول افغانستان کې د ښځو او نجونو حقونه په پراخه کچه محدود کړي دي. د بښنې نړیوال سازمان د بریتانیا د پالیسۍ او څېړنې مشرې، نایومي مک‌الیف، په دې اعلامیه کې ویلي چې طالبانو د ښځو او نجونو پر زده‌کړو او کار کولو بندیزونه لګولي، په عامه ژوند کې یې د هغوی فعالیتونه محدود کړي او د بیان ازادي یې هم ځپلې ده. د هغې په وینا، دې محدودیتونو د ښځو او نجونو غږ کمزوری کړی دی. نایومي مک‌الیف په بریتانیا کې د افغان ښځو د پناه غوښتنې له لارې د هغوی د منل کېدو…