Afghanistan News Today – Breaking News, Politics, Sports & Live Updates | Ariana… — Ariananews

د افغانستان بانک نن(پنجشنبه د زمري دوه‌ویشتمه) په کابل کې د یو لړ مراسمو پر مهال د ویزه‌کارت او نوي «حساب‌پی» کاریال مخکتنه وکړه. د افغانستان بانک د څار مرستیال احمدشاهپور میاخېل په دې مراسمو کې د پیسو د ورکړې او ایستلو لپاره د خلکو له لوري د ډیجیټلي کارتونو پر کارولو ټینګار وکړ. میاخېل ویلي؛ د خلکو باور رامنځته کول او هغوی ته د غوره مالي خدمتونو وړاندې کول د دغه بانک یو کاري لومړیتوب دي. هغه زیاته کړې، د هېواد مالي نظام ډیجیټلي کول د راکړو ورکړو د برښنايي کولو په برخه کې مهم ګام دی. هغه ویلي:« زمونږ یوازنی هدف دا دی، چې هر افغان وکولی شي خپلې پیسې د کارت، ګرځند او یا نورو وسیلو له لارې ورکړي.» دغه راز د ځینو شرکتونو مسوولانو ویلي، چې په افغانستان کې یو میلیون فعال پېرېدونکي د «پي‌حساب » له خدمتونو ګټه اخلي. دوی ټینګار کړی، چې د مالي خدمتونو په برخه کې د ډېرو آسانتیاوو رامنځته کولو ته ژمن دي. د یوه شرکت خاوند احمد خالد ودان د مراسمو ګډونوالو ته ویلي:« زمونږ موخه یوازې د یوه کاریال جوړول نه‌دي: بلکې موخه مو دا ده، چې په افغانستان کې د یوه پیاوړي، خوندي او باوري ډیجیټلي مالي نظام په جوړولو کې ونډه واخلو.» دا په داسې حال کې ده، چې اسلامي امارت څو ځله په هېواد کې د…