د ننګرهار مرکزي زندان کې د طالبانو واک ته د رسېدو د پنځمې کالیزې په مناسبت د پهلوانۍ سیالۍ ترسره شوې، چې زندانیانو پکې ښه وځلېدل. د زندان چارواکي وایي، دا ډول ورزشي سیالۍ د زندانیانو پر روغتیا او رواني وضعیت مثبت اغېز کوي او د هغوی د فکري رغونې زمینه برابروي. چارواکي زیاتوي، هغه زندانیان چې په سیالیو کې یې ښه وړتیا ښودلې، له خوشې کېدو وروسته به د ولایت او هېواد په کچه د پهلوانۍ په ډګر کې فعال شي. یو شمېر زندانیانو هم د ورته سیالیو د دوام او په زندان کې د منظم ورزشي مرکز د جوړېدو غوښتنه کړې ده. د ننګرهار د المپیک، ورزش او بدني روزنې ادارې وایي، د طالبانو واک ته د رسېدو د پنځمې کالیزې په مناسبت په جلالاباد ښار او یو شمېر ولسوالیو کې بېلابېلې ورزشي سیالۍ او نندارې هم ترسره کېږي.
Quick facts
Timeline
-
Parstoday
د ننګرهار مرکزي زندان کې د پهلوانۍ سیالۍ ترسره شوې + غږیز راپور
Sources
External sources
د ننګرهار مرکزي زندان کې د پهلوانۍ سیالۍ ترسره شوې + غږیز راپور