هرات ښار (پژواک، ۲۸ زمری ۱۴۰۵): هرات کې د افغانستان د خپلواکۍ ۱۰۷مه کلیزه د ځانګړو مراسمو په ترڅ کې ونمانځل شوه؛ د غونډې ګډونوالو د هېواد خپلواکي د افغانانو د مبارزو او سرښندنو پایله وبلله او د خپلواکۍ د تاریخي ارزښتونو پر ساتنې او نوي نسل ته یې پر لېږد ټینګار وکړ. د زمري ۲۸مه، د افغانستان د خپلواکۍ له ۱۰۷مې کلیزې سره برابره ده؛ هغه ورځ چې د هېواد په تقویم کې د افغانستان د خلکو د خپلواکۍ غوښتنې له مهمو تاریخي پېښو ګڼل کېږي. د غه ورځ د هرات نن د اطلاعاتو او فرهنګ ریاست چارواکو، علماوو، فرهنګیانو او عامو خلکو په ګډون د ځانګړو مراسمو په ترڅ کې ونمانځل شوه. د هرات د اطلاعاتو او فرهنګ رئیس مولوي عتیقالله عزیزی په دې مراسمو کې وویل چې د خپلواکۍ د ورځې نمانځنه د هېواد د دفاع په لار کې د افغانستان د خلکو د مېړانې او سرښندنو ته د درناوي څرګندونه کوي. هغه زیاته کړه، چې د افغانستان خلکو د تېرې یوې پېړۍ په اوږدو کې د سترو قدرتونو پر وړاندې مقاومت کړی او په تېرو سلو کلونو کې یې درې ستر نړیوال قدرتونه مات کړي دي. ده وویل: “د اسلامي امارت یو شمېر مشران په بېلابېلو پړاوونو کې د شوروي ځواکونو او د امریکا متحده ایالاتو د ځواکونو پر وړاندې په جهاد او مقاومت کې حضور…
Quick facts
Timeline
-
Pajhwok
هرات کې د افغانستان د خپلواکۍ ۱۰۷مه کلیزه ونمانځل شوه
Sources
Afghan sources
هرات کې د افغانستان د خپلواکۍ ۱۰۷مه کلیزه ونمانځل شوه